كيفية السفر للخارج بطرق شرعية و قانونية و لأي دولة

طول الوقت كنت بقابل ناس سواء من قرائنا او من اصدقائي وبسألهم ايه السبب رقم واحد لانكم مبتسافروش ؟وكانت الاجابة العالمية الدائمة ايه ؟.. الفلوس

المشكلة دي وكيفية التغلب عليها تقريبا السؤال الي بتسأله كل ما اقابل حد او يبعتلي اونلاين او يكومنت على اي مقال كتبته، فقبل ما نبدأ في الكتابة بحب اأكد (للمرة الالف تقريبا) على حقيقة مهمة جدا ..   “انت مش محتاج تبقى غني عشان تسافر” كمان مرة ؟   انت مش محتاج تبقى غني عشان تسافر !   انا كنت بشتغل شغلانة عادية جدا متوسطة الدخل اول ما بدأت اسافر كنت بقبض حوالي 2500-3000 جنيه (اي حد شغال في كول سنتر بيقبض في الرينج دا تقريبا) ، ومع ذلك قدرت اسافر ، اكتر من مرة، عشان ببساطه حطيت السفر اولوية، دايما مبقدرش اعمل حاجات كتيرة عشان بشيل فلوسي للسفر، كل حاجه بعملها ببقى مركز اني اشيل منها فلوس عشان اسافر. بتحوش؟ هدفك ايه من التحويش؟ بتصرف في ايه ؟عندك استعداد تستغنى عن حاجات عشان تسافر؟، انصحك تتابع بتصرف مرتبك في ايه، ومن هنا هتقدر تبدأ تشوف ممكن تحوش في ايه   وتاني بكرر: مش محتاج تبقى غني عشان تسافر   انا اغلب سفرياتي بتكون اكتر من بلد-اكتر من مدينة لمدة اسبوعين، وعمري ما صرفت اكتر من 10 آلاف جنيه في السفرية اول عن اخر ، سفر باقامة بانتقالات باكل بشرب بهدايا بكل حاجه، يعني انت تقدر لو هتسافر اسبوع تتفسح في بلد واحده (او كذا مدينة في نفس البلد) تصرف اقل من كدا بكتير لو عرفت بس تخطط لها كويس وتكون flexible شوية

1- درِّس انجليزي وانت مسافر !  

  بقت من اكتر واشهر اساليب كسب الرزق وانت مسافر تعليم اللغة الانجليزية ، وانا شخصيا اتعرفت على ESL teachers كتير بيعملوا دا و بياخدوا مرتبات لطيفة جدا وبيلفوا العالم !.ESL يعني English as a second language بالمناسبة. افضل مرتبات للشغلانة دي عادة في الشرق الاوسط والاقصى، طبعا فيه برده في امريكا اللاتينية و افريقيا واوروبا بس مش بنفس المرتبات العالية في المناطق الي زي الصين وكوريا.   المرتبات بتتراوح من 400-3000 دولار حسب العقد والمكان الي هتشتغل فيه، وزي ما قلنا العقود الاغلى في الاساس في الصين وكوريا واليابان.

اشهر موقع على الاطلاق للتوظيف في القصة دي : http://adf.ly/1KgSIb
مليان resources و شغلانات وحاجات كتيرة

عادة عشان تعمل الشغلانة دي بيتطلب تاخد شهادة اسمها TEFL ، اشهر اماكن تلقيها اونلاين : http://adf.ly/1KgSTZ

2- House sitting (خد بالك من بيت حد وهو مسافر!) 

حلوة دي صح ؟ احد الوسائل الصايعة جدا انك ببساطه تاخد بالك من بيت حد تاني وهو مسافر مقابل اجر !، يعني تاخد بالك من البيت او ممكن يكون تكون مسؤول عن حيواناته وهو مسافر او جمع البريد او اي اعمال زي دي مقابل القعده في البيت + اجر تتفق معاه عليه ! فيه اكتر من موقع على الانترنت بيوفر الخدمة دي اشهرهم :

الموقع الاول : http://adf.ly/1KgXAb

وموقع تاني مشهور جدا : http://adf.ly/1KgXUo

وموقع تالت انا معجب بيه بشكل خاص عبارة عن مشاريع اجتماعية، بيديك الاقامة والاكل مقابل مساعدة في المشروع، ودا مشروع ليهم في قبرص عاجبني جدا ! : http://adf.ly/1KgXw8

3- اشتغل على Cruise ship!

معلش، انا عارف ان كل الي بقوله مفاجئ ليك ، بس اه ممكن تشتغل على Cruise ship ، فيه راجل برنس جدا اسمه Earl عامل موقع خرافي بيحكي فيه عن تجربته في الشغل على cruise ships ، ايرل قعد يشتغل 10 سنين على cruise ships وبيتنطط من بلد لبلد ومن مينا لمينا وموقعه http://www.wanderingearl.com/  قبلة لاي حد مهتم بالقصة دي

عجبتك الفكرة ؟ .. دا موقع متخصص للتوظيف  :  http://adf.ly/1KgYyZ

طبقا لديريك ايرل من Wandering Earl ، الشغل على مركب Cruise بتكون الاقامه فيه في كباين اما خاصة او مشتركة مع زميل، الاكل لطيف و فيه انشطة كتيرة حفلات و جيم وتورز، عدد ساعات العمل بيبقى على حسب شغلك ، يعني بيتراوح من 3-4 ساعات (لو بتلعب مزيكا مثلا) لممكن 10 ساعات في اليوم، وصحيح دا لا يبدوا لطيفا، لكن مع اللايف ستايل الي كله تنقل من بلد لبلد و والتفاعل مع الناس الموضوع مبيكونش بايخ اوي. المرتبات على المراكب دي بتبقى حوالي 1000 ل 3000 دولار شهري للشغلانات المتوسطة، وطبعا فيه شغلانات high paying تانية. بس طبعا هنا بنتكلم على تغيير كامل في حياتك مش رحلة محدودة يعني.

4-WWOOFing (اشتغل في مزرعة !)

بتحب الطبيعة وعندك اهتمام بالحياة الاورجانيك و الزراعة وعايز تكتسب مهارات مش هتكتسبها في مكان تاني وفنفس الوقت تاكل وتشرب وتنام ببلاش مقابل تقريبا 4 ساعات شغل ؟ اشتغل WWOOFer او World Wide Opportunities on Organic Farms، جرب مغامرة جديدة من على الشبكة العالمية للOrganic farms الموقع : http://adf.ly/1KgZXz

او ممكن لو حياة المزارع مش بتاعتك اوي ، جرب الموقع دة : http://adf.ly/1KgZfv

عليه برده organic farm stays و كمان حاجات تانية كتيرة زي مثلا لقيت في براج مركز تدريب يوجا واستجمام طالب حد يبات وياكل هناك ويساعدهم في الاعمال اليومية، او زي الصورة دي، اسره من النمسا عايزاك تساعدها في الاعمال المنزلية (غسيل و مكواة و طبخ احيانا وتنضيف) و لو تعرف انجليزي ممكن تساعدهم في تعليم الاولاد الانجليزي. مقابل اقامة مجانية (اوضة بحمام خصوصي في في بيت فيه جنينة وحمام سباحة) و اكل زي مانت عايز

5- اشتغل (او في الاغلب اشتغلي ، بيفضلوا الستات في الشغلانة دي ) Au pair !

الAu pair شرحها tricky شوية، هي عبارة عن باختصار انك تعيشي وتشتغلي في بيت حد، في الاساس بتبقى مسؤولة عن اطفالهم وكل ما يتعلق بهم، من تنضيف وتعليم وتحضير سندوتشات، بتشتغل (اخت/اخ كبير) يعني :D. المبدأ ظهر في اوروبا ، واشتهر في العالم. بس الAu pair مش زي خادمة منزل ولا حتى مربية اطفال لان فيه خلط كبير دايما في النقطة دي 

الau pair بيشتغل (بتشتغل) 30 ساعة في الاسبوع تقريبا ، والمرتب من 50-250 يورو اسبوعيا + الاكل والاقامة

ودول موقعين مشهورين لتوظيف الaupairs :-

الاول : http://adf.ly/1KgaK6

الثاني : http://adf.ly/1KgaQA

منقول من : http://goo.gl/2kMJ2U